ہندوستان۷۵؍سے زیادہ ممالک کو دفاعی سازوسامان ایکسپورٹ کر رہا ہے: راجناتھ

Updated: October 26, 2021, 12:20 PM IST | Agency | New Delhi

مختلف ممالک کے سفیروں کے ساتھ منعقدہ گول میز کانفرنس میں وزیردفاع کادعویٰ،کہا :دفاعی برآمدات میں ۳۳۴؍فیصد کا اضافہ ہوا

وزیر دفاع راج ناتھ سنگھ نےپیر کو کہا کہ حکومت دفاعی شعبے میں جدید کاری اور صلاحیتوں کو بڑھانے کے لیے پرعزم ہے اور اس کے نتیجے میں گزشتہ ۵؍برسوں میں ملک کی دفاعی برآمدات میں۳۳۴؍فیصدکا اضافہ ہوا ہے اور ہندوستان اب ۷۵؍ فیصد سے زیادہ ممالک کو ایکسپورٹ بھی کر رہا ہے ۔  راج ناتھ سنگھ نے آئندہ مارچ میں گجرات کے گاندھی نگر میں منعقد ہونے والی دفاعی نمائش ۲۰۲۲ءسےقبل پیر کےروز یہاں مختلف ممالک کے سفیروں کے ساتھ ایک گول میز میٹنگ سے خطاب کرتے ہوئے کہا کہ ہندوستان کے دفاعی سازوسامان کے درآمد کنندہ کا رول مسلسل بدل رہا ہے اور دفاعی شعبے میں برآمدات میں مسلسل اضافہ ہو رہا ہے ۔  انہوں نے کہا کہ حکومت نے مسلح افواج کی جدید کاری ، اعلیٰ معیار اور سستے ہتھیاروں کے نظام اور پلیٹ فارم تیار کرنے کی سمت میں کئی اقدامات کیے ہیں۔ انہوں نے کہا ’’ہماری دفاعی برآمدات میں گزشتہ ۵؍سالوں میں ۳۳۴؍فیصد اضافہ ہوا ہے اور اب ہندوستان ۷۵؍سے زائد ممالک کو برآمدات کر رہا ہے ۔ برآمدات کے  شعبے میں ہماری کارکردگی ہمارے دفاعی سازوسامان کی مسابقت اور معیار کے بارے میں مضبوط اشارہ دیتی ہے‘‘۔ وزیر دفاع نے کہا کہ حکومت دفاعی شعبے میں جدید کاری اور صلاحیتوں کوبڑھانے کے لیے پرعزم ہے۔۲۲۔۲۰۲۱ءکےسالانہ بجٹ میں دفاعی اسکیم میں گزشتہ سال کے مقابلے میں۱۸ء۷۵؍فیصد اضافہ کیا گیا ہے ۔ گزشتہ ۱۵؍برسوں میں سب سے زیادہ اضافہ ہے۔ سنگھ نے کہا کہ وہ تمام دوست ممالک کو یقین دہانی کرانا چاہتے ہیں کہ ہندوستان اقوام متحدہ کے چارٹر میں درج کلیکٹیو سیکوریٹی سسٹم  کے تئیں پابند عہد ہے۔ واضح رہے کہ اس میںیہ امن وامان میں خلل ڈالنے والوں اور حملہ آوروں سے مل کر نمٹنے کی بات کہی گئی ہے ۔     وزیر دفاع نے کہا کہ پچھلی دفاعی نمائشوں میں حاصل کی گئی حصولیابیوں کو آگےبڑھاتے ہوئے اس مرتبہ کی نمائش میں بڑی تعداد میں شرکاء اور غیر ملکی اور ہندوستانی کمپنیاں حصہ لیں گی ۔ انہوں نے کہا کہ پہلے کی حصہ داروں اور نئے تعلقات کو مضبوط بنانے کیلئےپرعزم ہیں۔سنگھ نے کہا کہ اس طرح کی تقریبات میں خیالات کےباہمی تبادلے سے تعلقات مضبوط ہوتے ہیں اور سب ایک دوسرے کے مفادات کو سمجھتے ہیں۔   وزیر دفاع نے کہا کہ دفاعی نمائش ۲۰۲۲ءدنیاکو گزشتہ ۵؍سے ۷؍برسوں میں ہندوستان کے دفاع اور تحقیق ، پیداوار ، جدید ٹیکنالوجی اور فلاحی پالیسیوں کی جھلک دکھائی دے گی۔ اس نمائش میں مختلف ممالک کی شرکت سے باہمی فائدہ مند تعلقات کو تقویت ملے گی۔ ہندوستان باہمی فائدے اور مفادات کے تحفظ کی بنیاد پر کاروبار کرنے کیلئے تیار ہے ، جس سے سبھی کو فائدہ ہو سکے۔