تہوارپر ریلوے ہر مسافر کو کنفرم ٹکٹ دینے کیلئےتیار

Updated: November 03, 2020, 2:38 PM IST | Agency | New Delhi

ریلوے تہواروں کے موسم میں سبھی کو کنفرم سیٹ پران کو اپنی منزل مقصود تک پہنچانے کے لئے تیار ہے۔ ریلوے نے کہا ہے کہ وہ مخصوص ٹکٹوں کی ویٹنگ لسٹ پر اپنی گہری نظر رکھے ہوئے ہے اور ضرورت محسوس ہونے پروہ اضافی ٹرین چلائی گی۔

 ریلوے تہواروں کے موسم میں سبھی کو کنفرم سیٹ پران کو اپنی منزل مقصود تک پہنچانے کے لئے تیار ہے۔ ریلوے نے کہا ہے کہ وہ مخصوص ٹکٹوں کی ویٹنگ لسٹ پر اپنی گہری نظر رکھے ہوئے ہے اور ضرورت محسوس ہونے پروہ اضافی ٹرین چلائی گی۔ریلوے بورڈ کے چیئرمین اور چیف ایکزیکیٹو آفیسر (سی ای او) ونود کمار یادو نے  صحافیوں سے ورچوئل بات چیت میں کہا  کہ ہم چاہتے ہیں کہ ہر کوئی محفوظ رہے۔ ہر مسافر کووڈ کے پروٹوکول پر عمل کرے۔ اس تہوار کے سیزن میں ریلوے کی تیاری ہے کہ ہر مسافر کنفرم ٹکٹ پر ریزرو سیٹ پربیٹھ کراپنی منزل تک  جائے۔ اس کے لئے ہم زیادہ سے زیادہ گاڑیاں چلائیں گے۔   کووڈ ۱۹؍ کی عالمی وبا میں مسافر ٹرینوں کی صورتحال کے تعلق سے معلومات دیتے ہوئے  یادو نے بتایا کہ اس وقت۷۳۶؍خصوصی ٹرینیں چلائی جارہی ہیں ۔ کولکاتا میٹرو کی۲۰۰؍  گاڑیاں چل رہی ہیں۔ ممبئی میں۲؍ہزار۲۷۶؍گاڑیاں چل رہی ہیں ۔۲۱؍ستمبر سے۲۰؍ ٹریٹوں کو کلون ٹرینوں کے طور پر چلا یا گیا۔ اس کے علاوہ فیسٹیول اسپیشل ٹرینوں کے طورپر۴۳۶؍گاڑیوں کو ۲۰؍  اکتوبر سے ۲۰؍نومبر کے درمیان چلایا جائے گا ۔انہوں نے کہا کہ مسافروں کے لئے چلائی جارہی۴۷۳؍خصوصی ٹرینوں کی بکنگ کی صورتحال کو دیکھیں تو پتہ چلتا ہے کہ ۱۹؍ ٹرینوں میں ۳۰؍ بکنگ فیصد ہے ،  ۴۴؍ٹرینوں میں یہ۳۰؍ سے ۵۰؍ فیصد کے درمیان ہے ، ۸۳؍ٹرینوں میں۵۰؍سے ۷۵؍ فیصد ہے اور۳۲۷؍ٹرینوں میں ویٹنگ لسٹ ہے۔ ہم اس پر گہری نظر رکھے ہوئے ہیں۔ کچھ دن کی ویٹنگ ہونے پر کلون گاڑیاں چلا رہے ہیں ۔ اگر مسلسل ویٹنگ لسٹ بنی ہوئی ہے تو اضافی ٹرینیں چلا رہے ہیں ۔