EPAPER
Updated: January 08, 2021, 12:50 PM IST | Agency | Mumbai
`فلم سلطان، بھارت، ٹائیگر زندہ ہے، غنڈے اور میرے بردر کی دلہن جیسی ہٹ فلموں کے ہدایتکار۳۸؍ سالہ علی عباس ظفر نے خاموشی سے شادی کرلی۔علی عباس ظفر کو بالی و وڈ کےدبنگ ہیرو سلمان خان کی فلموں کی ہدایت کاری کے لیے پہچانا جاتا ہے، انہوں نے سلمان خان کی سلطان، بھارت اور ٹائیگر زندہ ہے جیسی فلموں کی ہدایت کاری کی ہے۔
`فلم سلطان، بھارت، ٹائیگر زندہ ہے، غنڈے اور میرے بردر کی دلہن جیسی ہٹ فلموں کے ہدایتکار۳۸؍ سالہ علی عباس ظفر نے خاموشی سے شادی کرلی۔علی عباس ظفر کو بالی و وڈ کےدبنگ ہیرو سلمان خان کی فلموں کی ہدایت کاری کے لیے پہچانا جاتا ہے، انہوں نے سلمان خان کی سلطان، بھارت اور ٹائیگر زندہ ہے جیسی فلموں کی ہدایت کاری کی ہے۔ علی عباس ظفر نے پاکستانی گلوکار و اداکار علی ظفر کی بالی ووڈ فلم `میرے بردر کی دلہن کی بھی ہدایات دیں، جس میں کترینہ کیف اور عمران خان بھی دکھائی دیے تھے۔ علی ظفر کو فلم انڈسٹری میں۲۰۱۱ء میں ریلیز ہونے والی رومانٹک کامیڈی فلم `میرے بردر کی دلہن کی وجہ سے ہی شہرت ملی تھی۔ہدایتکار علی عباس ظفر نے ۴؍جنوری کو انسٹاگرام پر اہلیہ کے ساتھ ہاتھوں کی تصاویر شیئر کی تھی، جس پر انہیں شوبز شخصیات نے مبارک باد پیش کی تھی۔ایک اخبار کے مطابق علی عباس ظفر نے کورونا کے باعث محدود پیمانے پر قریبی رشتہ داروں کی موجودگی میں شادی کی۔ہدایتکار کی جانب سے شادی کی تصویر شیئر کیے جانے کے بعد کئی شوبز شخصیات نے انہیں مبارک باد پیش کی، جب کہ مداحوں نے ان کی تصویر پر کمنٹس کیے کہ ہدایتکار نے خود تو شادی کرلی مگر اپنے ہیرو سلمان خان کو تاحال کنوارہ رکھا ہے۔علی عباس ظفر کی جانب سے شادی کی اطلاع دیے جانے مگر اہلیہ کی تصویر شیئر نہ کیے جانے پر بھی تنقید کا نشانہ بنایا گیا تھا، جس کے بعد انہوں نے ۵؍ جنوری کو اہلیہ کے ساتھ تصویر شیئر کی۔علی عباس ظفر نے۵؍ جنوری کوٹویٹر اور انسٹاگرام پر تصویر شیئر کرتے ہوئے کیپشن میں لکھا کہ وہ جب بھی اہلیہ علیشیا کو دیکھتے ہیں تو ان کی ساری پریشانیاں ختم ہوجاتی ہیں۔