پرینیتی چوپڑا کی نئی فلم ’سائنا‘ کا پہلا ٹیزر ریلیز

Updated: March 05, 2021, 11:47 AM IST | Agency | Mumbai

بالی ووڈ اداکارہ پرینیتی چوپڑا کی آنے والی فلم ’سائنا‘ کا پہلا ٹریلرریلیز ہوگیا ہے۔ پرینیتی چوپڑا ان دنوں بیڈمنٹن کھلاڑی سائنا نہوال کی سوانح’سائنا‘ میں کام کررہی ہیں۔اس فلم کا پہلا ٹریلر ریلیزکردیاگیاہے

پرینیتی چوپڑا فلم سائنا کے ٹیزر میں۔تصویر :آئی این این

بالی ووڈ اداکارہ پرینیتی چوپڑا کی آنے والی فلم ’سائنا‘ کا پہلا ٹریلرریلیز ہوگیا ہے۔ پرینیتی چوپڑا ان دنوں بیڈمنٹن کھلاڑی سائنا نہوال کی سوانح’سائنا‘ میں کام کررہی ہیں۔اس فلم کا پہلا ٹریلر ریلیزکردیاگیاہے،۳۰؍سیکنڈ کے ٹریلر کے آخر میں پرینیتی کی جھلک نظر آئی اوران کا ایک ڈائیلاگ بھی، ’’سامنے کوئی بھی ہو، میں تو بس مار دوں گی۔‘‘ امول گپتے کی ہدایت میں بنی یہ فلم۲۰۱۹ءسے زیربحث ہے۔پہلے خیال تھا کہ اس فلم میں شردھا کپور مرکزی کرداراداکرسکتی ہیں لیکن بات نہیں بن پائی ۔ بعد ازاں پرینیتی چوپڑا کو اس فلم کیلئےکاسٹ کرلیا گیا ہے۔ اس فلم کا پریمیرسنیماگھروں میں ۲۶؍مارچ کو ہوگا۔