میں نہیں چاہتا میرا بیٹا ہمارے ملک میں گلوکار بنے: سونونگم

Updated: November 19, 2020, 9:51 AM IST | Agency | Dubai

مقبول گلوکاراور اداکار سونونگم نے کہا ہے کہ میں نہیں چاہتا کہ میرا بیٹا ہمارے ملک میں گلوکار بنے۔ ایک  انٹرویو کے مطابق سونونگم نے تشویش کا اظہار کرتے ہوئے کہا کہ میرا بیٹا اگر گلوکار بننا چاہے تو میری خواہش ہے کہ کم از کم وہ  ہندوستان جیسے ملک میں گلوکار نہ بنے، ویسے بھی وہ اب ہندوستان میں نہیں رہتا بلکہ دبئی میں رہتا ہے اور میں خود بھی یہاں منتقل ہوچکا ہوں۔

سونونگم ۔ تصویر:آئی این این

مقبول گلوکاراور اداکار سونونگم نے کہا ہے کہ میں نہیں چاہتا کہ میرا بیٹا ہمارے ملک میں گلوکار بنے۔ ایک  انٹرویو کے مطابق سونونگم نے تشویش کا اظہار کرتے ہوئے کہا کہ میرا بیٹا اگر گلوکار بننا چاہے تو میری خواہش ہے کہ کم از کم وہ  ہندوستان جیسے ملک میں گلوکار نہ بنے، ویسے بھی وہ اب ہندوستان میں نہیں رہتا بلکہ دبئی میں رہتا ہے اور میں خود بھی یہاں منتقل ہوچکا ہوں۔سونگم نے یہ بھی کہا کہ میرا بیٹا نیوان نگم پیدائشی طور پر گلوکار ہے لیکن اسے اپنی زندگی میں کسی اور کاموں میں دلچسپی ہے، وہ مشہور گیم ’فارتھ نائٹ‘ کا بہترین کھلاڑی ہے اور اس کا شمار متحدہ عرب امارات کے بہترین کھلاڑیوں میں ہوتا ہے، وہ لازوال صلاحیتوں سے بھرپور بچہ ہے اسی لئے میں اسے بتانا نہیں چاہتا کہ اسے اپنی زندگی میں کیا کرنا ہے، دیکھتے ہیں کہ وہ خود اپنے لیے کیا کرتا ہے۔واضح رہے کہ سونونگم کی میوزک انڈسٹری سے ناراضی کسی سے ڈھکی چھپی نہیں کیوں کہ کچھ ماہ قبل سونونگم نے اپنی ہی میوزک انڈسٹری کے حوالے سے تحفظات کا اظہار کرتے ہوئے کہا تھا کہ ٹی سیریز کے بھوشن کمار میوزک انڈسٹری کا مافیا ہے، وہ میرے خلاف لوگوں کو لکھنے کو کہتے ہیں یہاں تک کہ دیگر گلوکاروں کو میری مخالفت میں انٹرویو دینے کو کہتے ہیں۔