ماسٹربلاسٹر سچن تنڈولکر کی بیٹی سارہ نے ماڈلنگ کی دنیامیں قدم رکھا

Updated: December 09, 2021, 11:31 AM IST | Agency | Mumbai

سارہ تنڈولکر نے اپنے اسائنمنٹ کا ایک ویڈیو سوشل میڈیا پر شیئر کیا ہےجو خوب وائرل ہو رہا ہے

سارہ تنڈولکر۔ تصویر: آئی این این

’ماسٹر بلاسٹر‘ سچن تنڈولکر کی بیٹی سارہ نے اب ماڈلنگ کی دنیا میں قدم رکھ دیا ہے۔ انہوں نے اپنے اسائنمنٹ کا ایک ویڈیو سوشل میڈیا پر شیئر کیا ہے، جو خوب وائرل ہو رہا ہے۔سارہ تنڈولکر  ہمیشہ سے ہی اپنے فیشن سینس کو لے کر مداحوں کو لبھانے میں پوری طرح کامیاب رہتی ہیں۔ وہ اکثر اپنی تصاویر سوشل میڈیا پر شیئر کرتی رہتی ہیں جنہیں مداح خوب پسند  کرتےہیں۔ اب ماڈلنگ کی دنیا میں قدم رکھنے کے بعد مداح ان کے اس نئے اوتار کو بھی زبردست پسند کر رہے ہیں۔ سارہ  تنڈولکر  نے حال ہی میں ایک مقبول کلودنگ برانڈ کے ساتھ معاہدہ کیا ہے۔ اس کلودنگ برانڈ کے پرموشن کے لئے انہوں نے اداکارہ بنیتا سندھو اور تانیہ شراف کے ساتھ ماڈلنگ کی شروعات کی۔ پروموشنل ویڈیو میں یہ تینوں ایک ساتھ پوز دیتی ہوئی نظر آرہی ہیں۔سارہ تنڈولکر گزشتہ کچھ وقت سے اپنے جم کے ویڈیو زبھی پوسٹ کر تی آرہی ہیں۔ ایسے میں لگ رہا ہے کہ اپنے ماڈلنگ کریئر کے لئے  وہ پوری طرح سے تیار ہو رہی ہیں۔ سارہ  تنڈولکر کے  ماڈلنگ کی دنیا میں قدم رکھنے سے  ان کے مداح کافی پُر جوش ہیں۔ سارہ   نے اپنے آفیشیل انسٹا گرام اکاؤنٹ پر اپنے پہلے اشتہار کا ویڈیو پوسٹ کیا ہے اور اس میں وہ کافی خوبصورت نظر آرہی ہیں۔  سارہ  تنڈولکر  انسٹا گرام پر کافی سرگرم ہیں اور ان کے۱ء۵؍ ملین فالورس ہیں۔