EPAPER
Updated: March 06, 2021, 2:06 PM IST | Agency
اداکارہ گوہر خان کے والد ظفراحمد خان طویل علالت کے بعدجمعہ کے روز انتقال کر گئے۔علاج کے دوران انہوں نے اسپتال میں آخری سانس لی۔بدھ کے روز ، گوہر نے انسٹاگرام پر والد کی تصاویر شیئر کیں اور جلد صحت یابی کی دعا کی تھی۔
اداکارہ گوہر خان کے والد ظفراحمد خان طویل علالت کے بعدجمعہ کے روز انتقال کر گئے۔علاج کے دوران انہوں نے اسپتال میں آخری سانس لی۔بدھ کے روز ، گوہر نے انسٹاگرام پر والد کی تصاویر شیئر کیں اور جلد صحت یابی کی دعا کی تھی۔ اس کے بعد ، گوہر کی دوست پریتی نےجمعہ کے روز انسٹاگرام پر ان کے انتقال کی خبر دی۔اسی دوران والد کو آخری وداعی دیتے ہوئے گوہر خان کی جذباتی تصاویرسامنے آ گئیں۔ ان تصاویرمیں اس کے ساتھ کنبہ کے کئی دوسرے افراد بھی دیکھے جاسکتےہیں۔
حال ہی میں ویرل بھیانی نےگوہر خان کی کچھ تصاویر شیئر کی ہیں۔ اس پوسٹ میں بتایا گیا ہےکہ گوہر نے اپنے والد کی آخری رسومات کے سارے انتظامات کیےہیں۔گوہر خان اپنے والد کے آخری دیدار کیلئے پہنچیں تووہ سفید کپڑوں میں ملبوس تھیں اور اپنےچہرے کو ماسک سے چھپایا ہوا تھا۔ میڈیا رپورٹس میں بتایا جارہا ہے کہ گوہر خان کے والد کی آخری رسومات بہت زیادہ لوگ شریک نہیں ہوںگے۔ کووڈ ۱۹؍سے متعلق حفاظتی اصولوں کو مدنظر رکھتے ہوئے ، گھروالوں کی موجودگی میں ہی ان کی آخری رسومات ادا کی جائیں گی۔
شادی کے فوراً بعدہی ،والدکو کھونے کی مایوسی گوہر کےچہرے پر دکھائی دیتی ہے۔ وہ ایک طویل عرصے سے اپنے والد کے لئے دعا کرنے کیلئےسوشل میڈیا کےذریعے ہر ایک سے اپیل کرتی نظر آئیں۔ گوہر نےشادی کی تصاویر کے ساتھ اپنے والد کی ایک خوبصورت تصویر بھی شیئر کی ، جو اب ایک یادداشت بن گئی ہے۔
