عامر خان اپنے خاندان کو بڑی اہمیت دیتے ہیں

Updated: March 15, 2020, 11:13 AM IST | Agency | Mumbai

پرفیکشنسٹ خان عامر اپنے خاندان سے بڑی محبت کرتے ہیں جس کا ثبوت یہ ہے کہ وہ اپنے انسٹا گرام اکاؤنٹ پر اکثر و بیشتر اپنے خاندان والوں کی تصویریں جاری کرتے رہتے ہیں۔

عامر خان اور کرن راؤ ۔ تصویر : آئی این این

 اس سے قبل انہوں نے اپنے والد فلمساز طاہر حسین کی برسی کے موقع پر اپنے والد کے ساتھ اپنے بچپن کی تصویر جاری کی تھی۔ طاہر حسین ’کارواں‘، ’انامیکا‘، ’مدہوش‘ اور ’زخمی‘ جیسی فلموں کے فلمساز کی حیثیت سے جانے جاتے ہیں۔ بالی ووڈ میں طاہر حسین کی خدمات ناقابلِ فراموش ہیں۔ عامر خان کے انسٹا گرام اکاؤنٹ پر اور کئی یادگار تصویریں ہیں جن میں کسی میں وہ اپنی والدہ کے ساتھ، کسی میں اپنی بہنوں کے ساتھ، کسی میں اپنے ماں اور باپ دونوں کے ساتھ، کسی میں اپنے بھائی کے ساتھ تو کسی میں اپنی بیوی اور بچوں کے ساتھ نظر آرہے ہیں۔ ایک تصویر میں تو وہ اپنی بیوی کرن راؤ خان اور سابقہ بیوی رینا دونوں کے ساتھ دکھائی دے رہے ہیں۔