سی اے اے اور این پی آر کیخلاف ودھان بھون تک لانگ مارچ

Updated: March 13, 2020, 10:34 AM IST | Ejaz Abdul Ghani | Kalyan

تھانے ضلع کی ۵۰؍ سے زائد سیاسی اور سماجی تنظیمیں شامل ہو ںگی، ایک لاکھ سے زائد شہر یوں کی شر کت کا دعویٰ، کلیان شاہین باغ میں پریس کانفرنس

کلیان شاہین باغ ۔ تصویر : انقلاب

:این پی آر کے خلاف مہاراشٹر اسمبلی میں قرارداد پاس کر وانے کا مہاراشٹر وکاس اگھاڑی سر کار پر دباؤ بنانے کیلئے تھانے ضلع کی ۵۰؍ سے زائد سیاسی اور سماجی تنظیمیں پیر ۱۶؍ مارچ صبح ۱۱؍ بجے کلیان بھیونڈی بائی پاس شاہراہ سے ودھان بھون تک لانگ مارچ کر یں گی۔ سنویدھان بچاؤ سنگھرش سمیتی کے بینر تلےکلیان شاہین باغ میں منعقدہ پر یس کانفرنس میں سبھی سیاسی تنظیموں کے عہدیداران نے لانگ مارچ میں ایک لاکھ سے زائد لوگوں کی شرکت کا دعویٰ کیا۔ 
 دلت اور پسماندہ طبقات کی نمائند گی کر نے والی آرپی آئی (سیکولر)، سی پی آئی، سی پی آئی (ایم) بہوجن کر انتی مورچہ ، بہوجن مکتی مورچہ، بھیم آر می، سوابھیمان رپبلک پارٹی آف انڈیا،  بدھشٹ یوتھ آف کلیان، امبیڈ کر پارٹی آف انڈیا، دلت پینتھرس،ہم بھارت کے لوگ کے علاوہ کانگر یس،بی ایس پی، ایم آئی ایم نیز بھیونڈی شاہین باغ سمیت متعدد سماجی اور فلاحی تنظیموں کےاشتراک سے مہاراشٹر ودھان سبھامیں جاری بجٹ اجلاس کے دوران این پی آر کے خلاف قرار داد پاس کر نے کا مطالبہ کرتے ہوئے لانگ مارچ کیاجائے گا۔ کلیان شاہین باغ میں منعقدہ پر یس کانفر نس میں آر پی آئی( سیکولر)کےلیڈر شیام گائیکواڑنے بتایا کہ پورے تھانے ضلع میں جگہ جگہ کار نر میٹنگیں منعقد کر کے لانگ مارچ میں شہریوں کی شر کت کو یقینی بنانے کی مہم زور وشور سے چل رہی ہے۔ ایک سوال کے جواب میں شیام گائیکواڑنے بتایا کہ پورے ضلع سے ایک لاکھ سےزائد مظاہر ین لانگ مارچ میں حصہ لیں گے۔ انہوں نے بتایا کہ کورونا وائرس کے پیش نظر ڈاکٹروں کی ایک ٹیم بھی لانگ مارچ کے ساتھ چلے گی۔اس موقع پربرادرانِ وطن کی مذکورہ جماعتوں  کےعہدیداران نے پر یس کانفر نس سے خطاب کرتےہوئے بتایا کہ این پی آر ، سی اے اے اور این آرسی جیسے سیاہ قانون نافذ ہو گئے تو صرف مسلمان متاثر نہیں ہوں گے بلکہ دلت ، قبائلی اور پسماندہ طبقات کےلوگوں کوکافی پر یشانی ہوں گی جس طر ح ہم نے آسام میں دیکھا کہ این آر سی کی زد میں مسلمانوں سے زیادہ دیگر مذاہب کے  لوگ آئے ہیں۔ فاشٹ طاقتیں جان بوجھ کر ہندو مسلم کو مذہب کے خانے میں بانٹ رہی ہیںلیکن ملک کے عوام نے اس سازش کو ناکام کردیا ہے۔ دلت اور پسماندہ طبقات کےلوگ این سی آر اور این پی آر کے خلاف میدان میں نہیں اترے تو اس کا انہیں زبردست خمیازہ بھگتنا ہوگا۔عیاں رہے کہ گزشتہ ایک ماہ سےسنویدھان بچاؤ سنگھرش سمیتی کے شیام گائیکواڑ،ایڈ وکیٹ کرن چانے ، کالو کومسکر،وجے کامبلے،کنچن کلکر نی، مولانا اوصاف، انجینئر جاوید اعظمی، مولانا حذیفہ ، انا روکڑے، فرقان دلارے، مفتی فلاحی، رمیض فالکے ، ر میض مجید، عبدالغفارشیخ ودیگر ارا کین لانگ مارچ کیلئے پورےضلع میں میٹنگیں کررہے ہیں۔