گوریگاؤں :شہید وجے سالسکر گارڈن میں جنگلی جانوروں کے ماڈل بچوں کی توجہ کامرکز

Updated: September 06, 2021, 11:46 AM IST | Agency | Goregaon

کورونا کے مریضوں کی تعداد میں کمی کے پیش نظر ریاستی حکومت اور  بی ایم سی لا ک ڈاؤن میں راحت دے رہی ہےجس کے تحت کھیل کے میدانوں اور باغیچوں کو شہریوں کیلئے کھولنے کی اجازت بھی دے دی گئی ہے ۔

کورونا کے مریضوں کی تعداد میں کمی کے پیش  نظر ریاستی حکومت اور بی ایم سی  لا ک ڈاؤن  میں راحت دے رہی  ہےجس کے تحت کھیل کے میدانوں اور  باغیچوں کو شہریوں کیلئے کھولنے کی اجازت بھی دے دی گئی ہے ۔ گوریگاؤںمشرق  میں ملنڈ لنک روڈ  پر واقع شہید وجے سالسکر گارڈن بھی شہریوں کیلئے کھول دیا گیا ہے ۔ جدید طرز  کے  اس گارڈ ن میں  جنگلی  جانوروں کے ماڈل بھی ہیں جو بچوں کی توجہ کا مرکز بنے ہوئے ہیں۔  یہ گارڈن  علاقے کے نوجوانوں اور بوڑھوں کیلئے تفریح ​​کی ایک اہم جگہ بن گیا ہے۔
  شہید وجے سالسکر پارک میں مختلف جانوروں اور پرندوں کےماڈل رکھے گئے ہیں  اور اس کے چاروں طرف رنگ برنگے پھول اور ہریالی ہے۔  پودوں کی مختلف اقسام  شہریوں کو خوشگوار ماحول فراہم کرتی ہیں۔اس گارڈن میں  وسیع و عریض احاطے اور مختلف سہولیات کی وجہ سے روزانہ کم از کم۲؍ ہزار  بچے ، شہری اور معمرافراداس پارک کا دورہ کرتے ہیں۔  بی ایم سی کے گارڈن محکمہ کے سپرنٹنڈنٹ جتیندر پردیسی کے  مطابق ’’مذکورہ پارک میں تفریح کی کافی سہولیات ہیں۔ پارک کی  خوبصورتی بڑھانے اور بچوں کو تفریح ​​فراہم کرنے کیلئے  اس میں    جنگلی جانوروں  کے جو ماڈل رکھے گئے ہیں، ا ن میں ہاتھی ، شیر ، چیتا، ہرن، گینڈا اورزیبرا  کے علاوہ متعد د پرندے بھی شامل ہیں۔ اس کے ساتھ بچوں کیلئے مختلف کھلونے جیسے سلائیڈنگ ، چارپائی ، ٹائٹرز ، بندر سلاخیں  وغیرہ بھی یہاںنصب کی گئی ہیں۔ اس پارک میں شہریوں کیلئے جوگنگ ٹریک بھی ہے جہاں لوگ چہل قدمی کرتے ہیں اور دوڑتے ہیں ۔اس کے علاوہ ورزش   کے مختلف آلات بھی یہاں نصب کئے گئے ہیں ۔پارک میں مختلف جگہوں پر بینچ بھی نصب کی گئی ہیں تاکہ لوگ آرام سے بیٹھ کر ایک دوسرے کے ساتھ بات چیت کر سکیں ۔بی ایم سی ذرائع کےمطابق شہید وجے سالسکر پارک میں پینے کے پانی کا نل بھی لگایا گیا ہے اور یہاں بیت الخلاء کی سہولت بھی موجود ہے۔