فلم اداکار متھن چکرورتی بالآخر بی جے پی میں شامل

Updated: March 08, 2021, 6:11 AM IST | Agency | Kolkata

بالی ووڈ اداکار متھن چکرورتی نے وزیرا عظم نریندر مودی کی بریگیڈ ریلی کے دوران بی جے پی میں شمولیت اختیا ر کرلی ۔ انہوں نے اس موقع پر خطاب بھی کیا اور اپنے مخالفین کو جواب دیا۔

بالی ووڈ اداکار متھن چکرورتی نے وزیرا عظم نریندر مودی کی بریگیڈ ریلی کے دوران بی جے پی میں شمولیت اختیا ر کرلی ۔ انہوں نے اس موقع پر خطاب بھی کیا اور اپنے مخالفین کو جواب دیا۔ واضح رہے کہ بنگال میں متھن کے مداحوں کی بڑی تعداد ہے اور بی جے پی اسی وجہ سے انہیں پارٹی میں لائی ہے۔ یہ اندازہ لگایا جارہا ہے کہ پارٹی کی جانب سے انہیں وزارت اعلیٰ کا امیدوار بھی بنایا جاسکتا ہےجس سے بی جے پی کے متعدد مقامی لیڈران  ابھی سے بے چین ہوگئے ہیں۔ اپنے دور طالب علمی میں متھن سی پی آئی ایم ایل سے وابستہ  رہے ۔ ایک وقت وہ نکسل واد کی تحریک میں بھی شامل رہے لیکن بعد میں فلموں میں آگئے ۔ گزشتہ کچھ عرصے سے وہ ترنمول کانگریس کے قریبی تھے اور اس کے ٹکٹ پر راجیہ سبھا کے ممبر بھی بنائے گئے تھےمگر اب انہوں نے بی جے پی کا دامن تھام لیا ہے۔  واضح رہے کہ شاردا چٹ فنڈ گھوٹالہ میں نام آنے کے بعد وہ راجیہ سبھا کی رکنیت  سے مستعفی ہوگئے تھے اور انہوں نے سیاست سے کنارہ کش ہونے کا اعلان بھی کردیا تھا لیکن اب ڈرامائی طور پر بی جے پی میں آگئے ہیں۔