ایشیز کیلئے آسٹریلیائی ٹیم کا اعلان، عثمان خواجہ کو بھی ٹیم میں شامل کیا گیا

Updated: November 18, 2021, 12:36 PM IST | Agency | Melbourne

عثمان خواجہ کو آسٹریلیا کے گھریلو فرسٹ کلاس کرکٹ مقابلے شیفیلڈ شیلڈ میں شاندار کارکردگی کا انعام ملا ہے

عثمان خواجہ ۔ تصویر: آئی این این

 عالمی کرکٹ کی سب سے اہم ٹیسٹ سیریز سمجھی جانے والی ایشیز کے لیے آسٹریلیائی ٹیم کا بدھ کو اعلان کر دیا گیا۔ انگلینڈ کے برسبین میں آئندہ۸؍دسمبر  سے شروع ہورہی  ایشیز سیریز کے پہلے ۲؍ میچوں کے لیے اعلان کردہ ۱۵؍ رکنی آسٹریلیائی ٹیم  میں تجربہ کار بلے باز عثمان خواجہ لوٹ آئے ہیں۔ انہوں نے ۲؍ سال سے زیادہ عرصے سے کوئی ٹیسٹ میچ نہیں کھیلا ہے، لیکن انہیں آسٹریلیا کے گھریلو فرسٹ کلاس کرکٹ مقابلے شیفیلڈ شیلڈ میں ان کی شاندار کارکردگی کا انعام  ملا ہے۔ اس کے ساتھ ہی سلیکٹرس نے اسپنر ناتھن لاین  کے بیک اپ کے طور پر اَن کیپڈ لیگ اسپنر مشیل   سویپسن کو ٹیم میں جگہ دی ہے۔ اس کے ساتھ مارکس ہیرس کو ڈیوڈ وارنر کا اوپننگ پارٹنر منتخب کیا گیا ہے۔ ہیرس کو حال ہی میں سلیکشن کمیٹی کے چیئرمین جارج بیلی نے ٹاپ آرڈر میں جگہ دینے کی  حمایت  کی تھی۔ جارج بیلی نے ٹیم کے انتخاب کے بعد کہا  ’’جھائی رچرڈسن کو اس سیریز میں ریڈ بال کرکٹ پر توجہ دینے کا انعام دیا گیا ہے۔ ہم جانتے ہیں کہ ان کے پاس غیر معمولی ٹیلنٹ ہے اور ہمیں خوشی ہے کہ وہ اب فٹ ہیں۔ مارکس ہیرس ڈومیسٹک سطح پر مسلسل رن بنا رہے ہیں اور اس موسم سرما میں لیسسٹر شائر کے ساتھ انہوں نے اپنے کھیل میں شاندار پیش رفت کی ہے۔ وہ ایک اچھے کھلاڑی ہیں، جو ڈیوڈ وارنر کے ساتھ ٹاپ آرڈر پر مضبوط شراکت قائم کرنا چاہتا ہے۔ جارج نے کہا ’’ٹریوس ہیڈ نے گزشتہ موسم گرما میں بہت زیادہ رن بنائے۔ وہ رنز بنانے کے معاملے میں کیمرون گرین کے بعد دوسرے نمبر پر تھے اور اب ایک بار پھر انہوں نے سیزن کا اچھا آغاز کیا ہے۔ وہ کھیل کو آگے لے جاتے ہیں اور تیزی سے اسکوربنانے کی اپنی صلاحیت سے مخالف ٹیم پر دباؤ ڈال سکتے ہیں۔ اسی طرح عثمان خواجہ بھی شاندار فارم میں ہیں۔ وہ بیٹنگ آرڈر میں پرسکون، مستقل مزاجی اور تجربہ لاتے ہیں۔ وہ ٹیسٹ کرکٹ میں ہمیشہ رنز بنانے والے کھلاڑی رہے ہیں۔ وہ بیٹنگ آرڈر میں کئی مقامات پر بیٹنگ کرنے کی صلاحیت بھی رکھتے ہیں۔  آسٹریلیا ئی ٹیم: ٹم پین (کپتان)، پیٹ کمنس (نائب کپتان)، کیمرون گرین، مارکس ہیرس، جوش ہیزل ووڈ، ٹریوس ہیڈ، عثمان خواجہ، مارنس لبوشین، ناتھن لاین ، مائیکل نیسر، جھائی رچرڈسن، اسٹیون اسمتھ، مشیل اسٹارک، مشیل سویپسن اور ڈیوڈ وارنر۔
 آسٹریلیا اے ٹیم: سین ایبٹ، ایشٹن ایگر، اسکاٹ بولینڈ، ایلکس کیری، ہنری ہنٹ، جوش انگلیس، نک میڈنسن، مشیل مارش، میٹ رین شا، مارک اسٹکی، برائس اسٹریٹ۔واضح رہے کہ ایشیزکا پہلا ٹیسٹ ۸؍ دسمبر سے برسبین اور  دوسرا۱۶؍ دسمبر سے ایڈیلیڈ میں شروع ہوگا۔