خودکفیل ہندوستان کیلئےحکومت اورصنعت کاروں کو نئے راستےتلاش کرنے ہوں گے: راج ناتھ

Updated: August 27, 2020, 6:37 PM IST | Agency | New Delhi

 وزیردفاع راج ناتھ سنگھ نے آج کہا ہے کہ کورونا وبا  کی وجہ سے پیدا  ہونے والے سنگین  چیلنج سے نمٹنے  کے لئے حکومت اورصنعت کاروں کو مل کر ایسے  طریقے وضع کرنے اور تلاش  کرنے ہوں گے جس سے ملک  خودکفیل بننے کے  ساتھ ساتھ عالمی ترقی  میں  اپنا کردار ادا کرسکے۔ سنگھ  نے آج  یہاں معاشی تنظیم فکی، وزارت دفاع اور دفاعی صنعت کے  ایک ویبنار  سے خطاب کرتے ہوئے   کہا کہ ملک  آزادی کے بعد سے  ہی مختلف سطح  پر خودکفالت  کے لئے کوششیں کرتا رہا ہے اور یہ  ہماری روایت سے لے  کر جدید سوچ میں موجود  ہے۔

 وزیردفاع راج ناتھ سنگھ نے آج کہا ہے کہ کورونا وبا  کی وجہ سے پیدا  ہونے والے سنگین  چیلنج سے نمٹنے  کے لئے حکومت اورصنعت کاروں کو مل کر ایسے  طریقے وضع کرنے اور تلاش  کرنے ہوں گے جس سے ملک  خودکفیل بننے کے  ساتھ ساتھ عالمی ترقی  میں  اپنا کردار ادا کرسکے۔
سنگھ  نے آج  یہاں معاشی تنظیم فکی، وزارت دفاع اور دفاعی صنعت کے  ایک ویبنار  سے خطاب کرتے ہوئے   کہا کہ ملک  آزادی کے بعد سے  ہی مختلف سطح  پر خودکفالت  کے لئے کوششیں کرتا رہا ہے اور یہ  ہماری روایت سے لے  کر جدید سوچ میں موجود  ہے۔
انہوں نے کہا کہ  خودانحصاری اور خودکفالت ہمارے خوداعتمادی  کی طاقت ہے اور  ملک کی تمام اہم شخصیتوں اور حکومتوں نے اپنے اپنے انداز میں اس میں حصہ لیا ہے اور اس سمت میں کوششیں کیں ہیں۔
وزیر دفاع نے کہا کہ گزشتہ کچھ برسوں میں وزیر اعظم نریندر مودی کی سربراہی میں حکومت نے خود کفالت پر خصوصی توجہ دی ہے۔ ہماری خود انحصاری اور سودیشی کی سوچ کو بین الاقوامی تجارت سے علیحدگی کی سمت میں نہیں دیکھا جانا چاہئے  بلکہ ہندوستان پوری دنیا کی ترقی میں اپنا حصہ ڈالنے کے لئے خود انحصار ہونا چاہتا ہے۔