یش چوپڑا نے رومانی فلوں کے ذریعہ ناظرین کےدرمیان اپنی ایک خاص شناخت بنائی

Updated: October 21, 2021, 1:10 PM IST | Agency | Mumbai

بطور ہدایت کار یش چوپڑا نے اپنے فلمی کریئر کا آغاز۱۹۵۹ء میں اپنے بھائی کے بینر تلے بننے والی فلم’دھول کا پھول‘ سے کیا تھا

یش چوپڑا۔ تصویر: آئی این این

بالی ووڈ میں کنگ آف رومانس یش چوپڑہ وکو ایک فلم ساز کے طور پر یاد کیا جاتا ہے جنہوں نے رومانوی فلوں کے ذریعہ ناظرین کے درمیان اپنی ایک خاص شناخت بنائی۔پنجاب کے لاہور میں۲۷؍ستمبر ۱۹۳۲ءکو پیدا ہوانے والے یش چوپڑہ کے بڑے بھائی بی آرچوپڑا  فلم انڈسٹری کے جانے مانے پروڈیوسر اورو ڈائریکٹر تھے۔اپنے کریئر کے شروعاتی دور میں یشچوپڑا  نے آئی ایس جوہر کے ساتھ بطور معاون کام کیا۔ بطور ہدایت کار یشچوپڑا  نے اپنے سینما کریئر کا آغاز۱۹۵۹ء میں اپنے بھائی کے بینر تلے بننے والی فلم’دھول کا پھول‘ سے کیا تھا۔۱۹۶۱ء میں یشچوپڑا  کو ایک بار پھر اپنے بھائی کے بینر تلے بنی فلم’ دھرم پتر‘کو ڈائریکٹ کرنے کا موقع ملا۔ اس فلم سے ہی بطور اداکارششی کپور نے اپنے کریئر کا آغاز کیا تھا۔ ۱۹۶۵ء میں یش چوپڑا کی ہدایتکاری میں بننے والی فلم ’وقت‘، بہترین فلموں میں شمار کی جاتی ہے۔ اس فلم کو بالی ووڈ کی پہلی ملٹی اسٹارر فلم مانا جاتاہے۔’وقت ‘ میں بلر اج ساہنی،راج کمار،سنیل دت ،ششی کپور اور رحمٰن نے اہم رول ادا کئے تھے۔ ۱۹۶۹ء میں یشچوپڑا  کے کریئر کی ایک اور سپر ہٹ فلم ’اتفاق‘آئی۔ دلچسپ بات یہ ہے کہ راجیش کھنہ اور نند اکی جوڑی والی سسپنس تھریلر اس فلم میں کوئی نغمہ نہیں تھا۔ اس کے باوجود ناظرین میں فلم نے زبردست پذیرائی حاصل کی اور اسے سپر ہٹ بنادیا۔۱۹۷۳ء  میں ریلیز ہونے والی فلم داغ کے ذریعے یشچوپڑا  نے فلم سازی کے میدان میں بھی قدم رکھا۔ راجیش کھنہ، شرمیلا ٹیگور اور راکھی کی یہ فلم باکس آفس پر سپر ہٹ ثابت ہوئی۔۱۹۷۵ء میں ریلیز ہونے والی فلم ’دیوار‘ یش چوپڑا کے فلمی کیریئر کے لئے ایک نیا سنگ میل ثابت ہوئی ۔ ۱۹۷۶ءمیں یش چوپڑا کی فلم `کبھی کبھی آئی۔ رومانوی پس منظر پر مبنی اس فلم میں یش چوپڑا  نےاینگری ینگ مین امیتابھ بچن سے رومانوی کردار کرواکر فلم ناظرین کو حیرت میں ڈال دیا۔ سمجھا جاتاہے کہ یش چوپڑا  نے امیتابھ بچن کے ذریعہ شاعر اورنغمہ نگار ساحر لدھیانوی کی زندگی سے جڑے پہلوؤں کو پردۂ سیمیں پر پیش کیاتھا۔ ۱۹۸۱ء  میں آئی فلم سلسلہ یش چوپڑا  کی اہم فلموں میں شمار کی جاتی ہے۔  ایسا مانا جاتا ہے کہ یہ فلم امیتابھ - ریکھا کے رشتوں پر مبنی فلم ہے۔۱۹۸۲ء سے۱۹۸۹ءتک کا وقت یش چوپڑا  کیلئے برا ثابت ہوا۔ا س دوران ان کی ناخدا، سوال ،فاصلے،مشعل،وجےجیسی فلمیں باکس آفس پر ناکام ہوگئیں ۔۱۹۸۹ء میں سری دیوی اور رشی کپور کی اداکاری والی فلم چاندنی کی کامیابی کے ساتھ  وہ ایک بار پھر سے شہرت کی بلندیوں پر جاپہنچے۔۱۹۹۱ء میں آئی `لمحے یش چوپڑا  کے فلمی کریئر کی اہم فلموں میں شمار کی جاتی ہے۔ ۱۹۹۵ء  میں یش چوپڑا کی ایک اور سپرہٹ فلم ’دل والے دلہنیا لے جائیں گے‘ ریلیز ہوئی۔۱۹۹۷ء میں آئی فلم ’دل تو پاگل ہے ی ان کی  ایک اور شاندار فلم شمار کی جاتی ہے۔ مادھوری دکشت ،شاہ رخ خان اور کرشمہ کپور کی محبت کے تکون پر مبنی اس فلم کے ذریعہ یش چوپڑا  نے فلم ناظرین کو یہ بتایا کہ جوڑیاں اوپر والے کی مرضی سے جنت میں بنتی ہیں۔اس فلم کے بعد بطور ہدایت کار یش چوپڑا  نے کچھ برسوں تک فلموں کی ہدایتکاری بند کردی۔ ۲۰۰۴ء میں آئی فلم ’ویر زارا‘سے یش چوپڑا  نے ایک بار پھر ہدایت کاری کے میدان میں قدم رکھا۔ شاہ رخ خان اور پریٹی زنٹا کی اداکاری والی اس فلم کے ذریعہ انہوں نے ناظرین کو بتایا کہ محبت کسی ملک کی سرحد میں قید نہیں رہ سکتی۔اس فلم کی موسیقی سے جڑا دلچسپ پہلو یہ ہے آنجہانی مدن موہن کی۸؍ دھنوں کو فلم میں استعمال کیا گیا۔ یش چوپڑا کواپنے فلمی کریئر میں۱۱؍بار فلم فیئر ایوارڈ سے نوازا گیا۔ فلم کے شعبہ میں نمایاں کارکردگی کو دیکھتے ہوئے میں انہیں پروقاردادا صاحب پھالکےایوارڈ سے بھی نوازا گیا۔ یش چوپڑا کی آخری فلم ’جب تک ہے جاں‘۲۰۱۲ء  میں آئی تھی۔ اپنی فلموں کے ذریعہ ناظرین کو رومانیت کا احساس کرانے والے یش چوپڑا  نے۲۱؍ اکتوبر۲۰۱۲ء میں دنیا کو الوداع کہہ دیا۔