سشمتا سین نے مداحوں کو ایک راز کی بات بتائی

Updated: November 22, 2021, 12:22 PM IST | Agency | Mumbai

سابق مس انڈیا، مس یونیورس اور بالی ووڈ اداکارہ سشمتا سین نے اپنے مداحوں کو ایک راز کی بات بتائی ہے اورراز بتا کر انہوں نے اپنے مداحوں کو حیران کردیا ہے

سشمتا سین ۔ تصویر: آئی این این

سابق مس انڈیا، مس یونیورس اور بالی ووڈ  اداکارہ سشمتا سین نے اپنے مداحوں کو ایک راز کی بات بتائی ہے اورراز بتا کر انہوں نے اپنے مداحوں کو حیران کردیا ہے۔سشمتا سین نے ۱۹؍ نومبر کو اپنی۴۶؍ ویں سالگرہ منائی۔ انسٹاگرام پر اپنی ایک تصویر شیئر کرتے ہوئے اداکارہ نے لکھا کہ جنہوں نے سالگرہ کی مبارکباد پیش کی اور نیک تمناؤں کا اظہار کیا میں اپنے ان تمام چاہنے والوں کا تہ دل سے شکریہ ادا کرتی ہوں ، مجھے ایسا محسوس ہو رہا ہے جیسے میں نے دوسری بار جنم لیا ہو اور اسے میں الفاظ میں بیان نہیں کر سکتی۔سشمتا سین نے مزید لکھا کہ میں آپ سب کو ایک راز کی بات بتانا چاہتی ہوں، ’آریا۲؍‘ کی شوٹنگ مکمل کرنے کے بعد میں نے اپنی صحت کو بہتر کرنے پر توجہ دی،۱۶؍ نومبر کو میری ایک کامیاب سرجری ہوئی اور اب ہر گزرتے دن کے ساتھ میں بہتر سے بہتر محسوس کر رہی ہوں۔ سرجری کا سن کر کمنٹ باکس میں مداحوں کے پیغامات کی بارش شروع ہوگئی۔ مداحوں نے جہاں انہیں دعائیں دیں وہیں سرجری سے متعلق تفصیلات فراہم کرنے کی بھی درخواست کی۔مداحوں کی پریشانی اور سوالات کے بعد سشمتا  نے انسٹاگرام پر ایک ویڈیو پوسٹ کیا جس میں انہوں نے بتایا کہ میری سرجری کا سن کر آپ لوگ پریشان ہوگئے، میں بالکل خیریت سے ہوں، اگر مجھے کچھ ہوتا تو میں آپ لوگوں کو ضرور اطلاع دیتی۔سشمتا  نے مزید کہا کہ ’’آپ لوگوں کو پریشان ہونے کی ضرورت نہیں، میں صحت یاب ہو رہی ہوں لیکن اس میں تھوڑا وقت لگے گا۔‘‘