کرینہ کپور نےکووڈ سے متعلق پونے پولیس کے گیت کو سراہا

Updated: January 19, 2022, 1:08 PM IST | Agency | Mumbai

بالی ووڈ اداکارہ کرینہ کپور پونے پولیس کی جانب سے شروع کی گئی کووڈ۱۹؍ بیداری مہم سے بہت متاثر ہوئی ہیں۔  

اداکارہ کرینہ کپور خان۔ تصویر: آئی این این

بالی ووڈ اداکارہ کرینہ کپور پونے پولیس کی جانب سے شروع کی گئی کووڈ۱۹؍ بیداری مہم سے بہت متاثر ہوئی ہیں۔   ملک بھر میں کورونا کیسز تیزی سے بڑھ رہے ہیں ۔ بالی ووڈ کے کئی اداکار سوشل میڈیا پر اپنے مداحوں سے کورونا پروٹوکول پر عمل کرنے کی اپیل کر رہے ہیں۔ کرینہ کپور خان نے پونے پولیس کی جانب سے شروع کی گئی کووڈ۱۹؍بیداری مہم سے متاثرہو کر ایک ویڈیو شیئر کیا ہے ۔ اس ویڈیو میں پونے پولیس کا ایک افسر راج کپور کا مشہورنغمہ گا کر لوگوں سے ماسک پہننے کی اپیل کر رہا ہے ۔ کرینہ نے اس ویڈیو کو اپنے آفیشل انسٹاگرام پر شیئر کیا ہے ۔ ویڈیو میں دیکھا جا سکتا ہے کہ پولیس افسر راج کپور کی فلم میرا نام جوکر کا مشہورنغمہ اے بھائی ذرا دیکھ کے چلو کے بول بدل کر’اے بھائی زرا ماسک پہن کر چلو‘ گاتا دیکھا جاسکتاہے اورلوگوں سے کورونا گائیڈ لائنز پر عمل درآمد کرنے کی تلقین کر رہا ہے ۔اس ویڈیو کو انسٹاگرام پر شیئر کرتے ہوئے کرینہ نے پونے پولیس کی تعریف کرتے ہوئے لکھا، شاندار ویڈیو ۔